Mecano Espainiak eman duen historiako talderik garrantzitsuena izan da. Hamar milioi disko baino gehiago saldu zituzten, eta hiru belaunaldiren bihotzak eta eztarriak bereganatu zituzten. Hoy No Me Puedo Levantar beren musikala da.
Antzezlarien zerrenda 40 artistez osatuta dago: horietako 13k zuzenean abesteaz gain, pertsonaiak hezurmamitzen dituzte, beste 20 dantzariak dira eta gainerako 7ak musikaleko abestiak zuzenean jotzen dituzten musikariak dira.
SINOPSIA
Mario eta Colate 1980ko hamarkadaren hasieran herri txiki batean bizi diren bi lagun dira. Biek amets berdina partekatzen dute: Madrilera bidaiatzea bertan musika talde bat eratzeko.
Kulturalki eta sozialki irakiten dagoen Madrilera heltzen direnean, zenbait arazorekin aurkitzen dira: ez dute lanik lortzen, diru gabe daude, diskoetxeek ez dute haienganako interesik azaltzen… baina gutxika-gutxika aurrera egitea lortzen dute.
“33” deitzen den taberna batean lana lortzen dute, eta musikari jator pare bat ezagutzen dituzte: Guillermo eta Panchi. Haiekin batera “Rulé” eratzen dute, euren taldea, eta taldearekin beren lehendabiziko singlea grabatzea ahalbidetuko dien lehiaketa garrantzitsu bat irabazten dute.
Mariok maitasuna ezagutuko du, eta Colatek, berriz, drogen mundua.
80ko urteek osatzen duten markoaren barruan gure protagonistak bizi egingo dira, sufritu eta maitatu egingo dute, zoriontsu eta zoritxarreko izango dira… eta Espainiako talderik garrantzitsuena izatera helduko dira.
HNMPL 1980ko hamarkadatik, musikatik, maitasunetik, adiskidetasunetik… zehar egindako bidaia da, hau da, bizitzatik zehar egindakoa.
|
