Aukeran Dantza Konpainiaren GERNIKA (Mihise gaineko dantza) 1937an gertatutakoaren kontakizuna da, lehenengo pertsona pluralean idatzia, hau da, bonbardaketa jasan zutenek kontatua. Proposamenak dantza tradizionala eta garaikidea fusionatzen ditu eta giro desberdinak sortzeko argiztapenaz eta koloreez baliatzen da.
Bonbardaketan hil zirenak gertatua kontatzera itzultzen dira. Suntsipenaren aurretik beren bizitzak nolakoak ziren, beren herriaren gainera gerraren infernua nola jauzi zen guztia suntsituz eta oroimenaren bitartez gertatua birsortu daitekeela kontatzen dute.
Horra hor telefonoz erosteko telefonoa: 944 310 310 Sarrera-txartelak finantza-txarrtelarekin Eros ditzakezu ETA saltokietan edo bbk-ren orotarako kutzain. Antzokietako txartel-leihatiletan ere jaso ditzakezu zure txartelak.
Aldez aurreko salmentaren ordutegia antzokian bertan: larunbat, igande, astelehen eta astearteetan: 11:30etik 14:00etara eta 17:00etatik 19:0etara. Asteazken, ostegun eta ostiraletan: 11:30etik 14:00etara eta 17:00etatik 20:30era. Saioa dagoen egunetan, hasteko unera arte eros daitezke sarrera.
Sarrera-txartelak bbk-ren zerbitzu anitzeko kutxazainetan eros ditzakezue, edozein finantza-txartel erabiliz.Egin klik hemen hurbilen duzun bbk kutxazainazein den jakiteko
Arriaga Bilbori lotutako antzokia da. Bilboko biztanleek antzerkirako duten afizioa zaharragoa den arren, hiriak ez zuen arte eszenikoetarako lokal berezirik izan 1799ra arte. Data horretan, bizilagun talde baten ekimenez, Erronda kalean koliseo bat eraiki zen.
Aukeran, lehen ere Arriaga Antzokian beste ikuskizun batzuekin izan dena, Edu Muruamendiaraz-ek zuzentzen duen konpainia da, Donostian kokatua eta 1997az geroztik sustrai tradizionaleko dantza-ikuskizunak eskaintzen dituena. Bere arau asko desegituratuz eta koreografiatan atal garaikideak gehituz, euskal dantza tradizionalaren aberastasuna bere mugetatik harantzago eramaten du hizkuntza freskoagoa eta gaurkotuagoa sortuz. Lan berritzailea da, inongo konpainiek ez bezala gogotik landua.
