Ikuskizua Moskuko Dubrovka Antzokiaren bahiketan oinarritzen da. Talde terrorista batek bahitu zuen 2002. urtean. Bahiketa antzoki batean gertatzeak zirrara sorrarazi eta hausnarketarako bidea ireki zigun. Antzokia, lana egiteko gure ohiko lekua dena, gertaera makabro baten eskenatokia izan zen, eta ikusleak gogoz kontro aktore bihurtu ziren. Fikzioaren tokian benetako tragedia gertatu zen.

…Gertaera haiek abiapuntu besterik ez dira izan; hau da, fikzio berria sortzeko inspirazioa. Era berean, edozein zehazpen politiko eta geografikotik urrun geratu nahi izan dugu. Terrorista batzuez zehazki hitz egin ordez, kontzeptu unibertsalak jorratu nahi ditugu, gizakiarekin loturikoak edozein garaitan: boterea lortzeko borroka; biolentzia, ideia batzuk ezartzeko metodo gisa; eta aginteko egituren ustelkeria, beti errurik gabeko biktimak zigortzen dituena. Gure ustez, gure ikarak borrokatzeko modurik onena haiei aurre egitea da. Modu horretan, gure Boris Godunov-en asmoa da emozioen bidetik ikuslea denok kezkatzen gaituen gaira hurbiltzea; hain zuzen ere, terrorismora.

Alex Ollé eta David Plana